SCHINEBLOOSER WAGGIS
D’ Gschicht vo de Schineblooser Waggis
Mir schrybe s’Joor 1974
Dr Alex Müller und dr Rolf Wolfelsperger beschliesse en aigene Waage z’grinde. Die Baide hänn e baar Joor zämme bi dr Druggerei Krebs gschafft. Es isch kai Wuche vrby gange wo die Zwai nid iber ihre Draum gschwätzt hänn. Do Baidi au no zämme bim FC Sportfreunde gschuttet hänn, hett’s nadyrlig nid an guete Type gfählt.
Am Zyschtig 1te Abrille 1975 isch die Clique grindet worde.
Grindigsmitglieder sinn gsi:
Alexander Müller
Rolf Wolfelsperger
Walti Wiedemann (dr Namme Schineblooser kunnt vo Ihm)
Ernst Burger
Werner Bischoff
Kurt Haas
Peter Feelmann
Urs Kaltebrunner
Am 8te Merze 1976 hänn die 8 Waggis s’erscht Mool Fasnacht gmacht.
Biraits 2 Joor speeter sinn mir s’erscht Mool z’Oobe in d’Baize go intrigiere. Laider isch dä alti Bruuch langsam am Ussstärbe, doch sit 42 Joor pfläge mir dä tolli Bruuch.
Nonem Cortège mache mir e kurzi Pause und ab de halbi 8i göhn mir alli zämme go intrigiere bis no de 10i z’Nacht . Erscht denn git’s e feins Nachtässe.
Do drzue no n e baar Date:
1976 – 1996 Waagebau in Rhyfälde
1997 bis hitte bau mir dr Waage bi dr Famillie Kyburz uff em Bäumlihof
Syt 1982 mache mir Santiglaus mit aigenem Esel
Unte findsch d' Statute und d' Uffnahm vom Fasnachts-Comité. Leider hän si der Name falsch gschriebe. (kasch' s aagligge)
